سیدکامران حیدر تحریک کے شہیدکادرجہ رکھتے ہیں,الطاف حسین .. شہیدکی بیوہ صائمہ حیدراورمرحوم کے بچوں سے فون پر تعزیت

متحدہ قومی موومنٹ کے بانی وقائدجناب الطاف حسین نے تحریک کے سینئرکارکن اورایم کیوایم امریکہ کے جوائنٹ آرگنائزر سیدکامران حیدرمرحوم کے انتقال پران کی بیوہ صائمہ حیدر، مرحوم کی صاحبزادی اوربیٹوں سے فون پر تعزیت کی۔ جناب الطا ف حسین نے کامران حیدرکی بیوہ محترمہ صائمہ حیدر سے گفتگوکرتے ہوئے کہاکہ کامران حیدرکی ناگہانی وفات سے جہاں آپ پر دکھ اورغم کاپہاڑٹوٹاہے وہیں مجھے بھی ذاتی طورپربہت صدمہ پہنچاہے۔کامران حیدرتحریک کیلئے رات دن کام کرتے تھے اور اس کی راہ میں ہرطرح کی خدمات پیش کررہے تھے ، وہ آخری سانس تک تحریک کی جدوجہدمیں شریک رہے ، وہ تحریک کی صفوں کومنظم کررہے تھے اس لحاظ سے وہ تحریک کے شہیدہیں۔ جناب الطاف حسین نے مرحوم کی بیوہ سے کہاکہ کامران حیدرمیرے بیٹے اور چھوٹے بھائی کی طرح تھا، آپ مجھے اپنا بڑا بھائی سمجھیں اورکبھی اپنے آپ کواکیلانہ سمجھیں۔ انہوں نے کامران حیدرشہید کے بچوں کوتسلی دیتے ہوئے کہا کہ میں آپ کے والد کابڑابھائی ہوں لہٰذامیں آپ مجھے اپناتایاسمجھیں،میںآپ کے بزرگ کی حیثیت سے موجودہوں، آپ میری تعزیت قبول کریں اور صبر کریں ۔ا للہ تعالیٰ کامران حیدرشہید کوجنت الفردوس میں اعلیٰ مقام عطاکرے اورتمام سوگواروں کو صبرجمیل عطا کرے ۔ جناب الطاف حسین نے وہاں موجود ایم کیوایم امریکہ کے کارکنوں اورذمہ داروں سے بھی کامران حیدرکے انتقال پر تعزیت کی اوران سے اوران کے اہل خانہ کوتاکید کی کہ وہ دکھ کی اس گھڑی میں کامران حیدرشہیدکے سوگواراہل خانہ کے دکھ دردمیں شریک رہیں اوران کاہرطرح کاخیال رکھیں۔