قائد تحریک الطاف حسین کی جانب سے حق پرست کارکنان وہمدرد عوام کو سال نو 2017ء کی دلی مبارکباد

قائد تحریک الطاف حسین کی جانب سے حق پرست کارکنان وہمدرد عوام کو سال نو 2017ء کی دلی مبارکباد 

اللہ تعالیٰ نئے سال کے آغاز کو دنیا بھرمیں امن وسلامتی ،پیارومحبت اوربھائی چارے کے فروغ اور پاکستان سمیت دنیا بھرسے مذہبی منافرت ، فرقہ واریت اور دہشت گردی کے خاتمہ کیلئے نیک شگون ثابت کرے، الطاف حسین

عوام نئے سال کے موقع پراپنی عبادت میں ملک وقوم کی ترقی ، عوام کی فلاح وبہبود،حق پرست شہداء کے بلند درجات ، لاپتہ ساتھیوں کی بازیای ، اسیرکارکنان کی رہائی اور حق پرستانہ جدوجہد کی کامیابی کیلئے خصوصی دعا ئیں کریں، الطاف حسین




متحدہ قومی موومنٹ کے قائد جناب الطاف حسین نے پاکستان سمیت دنیا بھرمیں حق پرست کارکنان وہمدرد عوام کو سال نو 2017ء کی دلی مبارکباد پیش کی ہے ۔ ایک بیان میں جناب الطاف حسین نے دعا کی کہ اللہ تعالیٰ نئے سال کے آغاز کو دنیا بھرمیں امن وسلامتی ،پیارومحبت اوربھائی چارے کے فروغ اور پاکستان سمیت دنیا بھرسے مذہبی منافرت ، فرقہ واریت اور دہشت گردی کے خاتمہ کیلئے نیک شگون ثابت کرے ۔پاکستان مظلوم عوام ، غیرمسلموں اورخواتین کے حقوق کاتحفظ ہو اور ملک کے ہرشہری کو زندہ رہنے اور زندگی گزارنے کے بھرپورمواقع میسر ہوں۔ جناب الطاف حسین نے دنیا بھر میں مقیم ایم کیوایم کے کارکنان وہمدرد عوام سے اپیل کی کہ وہ نئے سال کے موقع پراپنی عبادت میں ملک وقوم کی ترقی ، عوام کی فلاح وبہبود،حق پرست شہداء کے بلند درجات ، لاپتہ ساتھیوں کی بازیای ، اسیرکارکنان کی رہائی اور حق پرستانہ جدوجہد کی کامیابی کیلئے خصوصی دعا ئیں کریں۔